श्रीवामन जयन्तिको अवसर पारेर भजन गायक एवं धार्मिक प्रवक्ता परशुराम पाण्डेयको नयाँ भजन “बामन अवतार” सार्वजानिक भएको छ |
“कर्के नजर हेरेका, पिताम्बरी बेरेका बामनलाई मेरो नमस्कार” बोलको यस भजन भगवान विष्णूको वामन अवतारमा समर्पित छ | आफ्नै शब्द, संगीत र स्वर रहेको यस भजन पाण्डेयले आफ्नो सामाजिक संजाल यु ट्युब च्यानल Bhajan Diary – भजन डायरी र https://parashurampandey.com/ मार्फत आफ्ना दर्शक तथा श्रोता सामु ल्याउनु भएको हो | यस भजनमा पाण्डेयलाई पवित्रा घिमिरे, रामहरी सुबेदी, शंकर पाण्डे, आशिस सुबेदी लगायत कलाकारले साथ दिनु भएको छ |
गत साता मात्रै “सधै हामीलाई हतार” नामक रोईला भजन ल्याउनु भएका पाण्डेयले “आहा कति मिठो धुन”, झोलुङ्गोमा कृष्णलाई सुताईन र “पाप कर्म गर्न हुन्न” बोलका भजन दर्शक श्रोता माझ ल्याईसक्नु भएको छ |
सनातन संस्कृती संरक्षण अभियानका अभियन्ता विलक्षण प्रतिभाका धनी गुरु परशुराम पाण्डेय भक्ति संगीतका अलावा धार्मिक प्रवचन, सत्संग, योग, बिपासना लगायत विधामा पारङ्गत हुनुहुन्छ |
